Kökəltməyən axşam yeməyi: Tərəvəzli döş ət

Pəhrizdəsinizsə və ya ümumiyyətlə, “fiquranızı” olduğu kimi saxlayıb, çəki almamaq istəyirsinizsə, o zaman bu resept tam sizlikdir.

Ərzaqlar:

Toyuğun döş əti – 1 ədəd
Baş soğan – ½ ədəd
Kök – 1 ədəd
Dəfnə yarpağı – 1 ədəd
Pomidor – 2 ədəd
Xiyar – 1 ədəd
Duz – istiot – zövqə görə
Bolqar bibəri – 1 ədəd
Kahı yarpaqları
Limon şirəsi

Hazırlanması:

Döş ətin dərisini çıxarıb, yaxşıca yuyuruq. Sonra bir tavaya qoyub, üzəri örtülənə kimi su ilə doldururuq. Qaynamağa başlayandan sonra kökü, soğanı, dəfnə yarpağını, duz-istiotu əlavə edib, 20-30 dəqiqə bişiririk. Sonra oddan götürürük. Suyunu atmayın, başqa yeməklərdə bulyon kimi istifadə edə bilərsiniz.
Sonra bir kənarda salat üçün olan ərzaqları – pomidor, xiyar, bolqar bibəri, kahı yarpaqlarını doğrayıb, qarışdırırıq, üzərinə limon suyu gəzdiririk.  Və döş ətinin yanında süfrəyə təqdim edirik. Nuş olsun!


Baxılıb:3917